У Менску будуць судзіць Паўла Севярынца
У Менску працягваюцца суды над удзельнікамі пратэстных акцый індывідуальных прадпрымальнікаў.
Сёння ў судзе Цэнтральнага раёна сталіцы прызначаны суд над лідарам Беларускай хрысціянскай дэмакратыі Паўлам Севярынцам – у той самы дзень, калі Севярынец праводзіць паседжанне Камітэта выратавання прадпрымальніцтва.
– Суд прызначаны на чацвер 10 сакавіка – той самы дзень, калі ў нас адбудзецца паседжанне Камітэта выратавання прадпрымальніцтва. Я думаю, што ўсё гэта адмыслова зроблена. Гэта чарговая спроба разбурыць каардынацыю пратэстных акцый, і мы гэта разумеем.
Учора ў Менску адбыліся суды над іншымі ўдзельнікамі акцыі пратэсту 22 лютага. Штрафамі пакараны Алесь Абрамовіч, Мікалай Статкевіч, Алесь Макаеў, Мікалай Казлоў. Справу Анатоля Лябедзькі, паводле ягонай заявы, адклалі на 14 сакавіка. СМСкі з выклікамі ў суд прыйшлі таксама Максіму Вінярскаму і Леаніду Кулакову.
Васіль Кроква, Беларускае Радыё Рацыя
Фота svaboda.org
