У Менску мужчына абвінавачваецца ў падробцы медыцынскіх рэцэптаў
Фрунзенскім (г. Менска) РАСК завершана расследаванне крымінальнай справы ў дачыненні да 39-гадовага мужчыны, які абвінавачваецца ў падробцы рэцэптурных бланкаў, якія ён у далейшым выкарыстаў для пакупкі ў аптэках сталіцы і Барысава медыцынскіх прэпаратаў, якія змяшчаюць прэгабалін, паведамілі ў Следчым камітэце.
Згодна з матэрыяламі справы, у лютым 2019 гады мужчына ўладкаваўся на працу ў адну з аптэк сталіцы правізарам. Падчас гутарак з прадстаўнікамі фармацэўтычных кампаній, ён прасіў перадаць яму па магчымасці незапоўненыя рэцэптурныя бланкі, але абавязкова з наяўнасцю штампа медыцынскай установы і пячаткі лекара.
Пасля атрымання бланкаў ён уласнаручна ўносіў у іх прозвішчы выдуманых пацыентаў, назвы і дазоўкі лекаў. На працягу трох месяцаў абвінавачаным набыў для ўласнага ўжывання медпрэпараты па 21 падробленаму рэцэпту.
Дзеянні мужчыны кваліфікаваны па ч. 2 арт. 380 КК РБ. Да яго ўжытая мера стрымання ў выглядзе падпіскі аб нявыездзе і належных паводзінах. Крымінальная справа перададзена пракурору для накіравання ў суд.
У дачыненні да прадстаўнікоў фармацэўтычных кампаній вылучаны матэрыялы з крымінальнай справы і накіраваны ў міліцыю для правядзення праверкі.
Глядзіце таксама
