У Менску на вакзал пусцілі трамваі
У Менску пасля рэканструкцыі адкрылі трамвайныя шляхі ад вуліцы Чапаева да плошчы Мяснікова. Па іх ужо пайшоў транспарт, піша tut.by.
Трамвайныя шляхі на Першамайскай і Ульянаўскай закрылі на рэканструкцыю ў сакавіку 2018 года і абяцалі адкрыць да 1 лістапада. Але гэта адбылося напярэдадні ўвечары. Тут, як звычайна, пачалі хадзіць трамваі № 1, 4 і 7.
Візуальна трамвайныя шляхі змяніліся. Як мінімум тут зрабілі новыя прыпынкі. На ўсе працы па рэканструкцыі ў інвестпраграме сталіцы было закладзена больш за 8,5 мільёна даляраў.
