У Менску пачаўся суд над Валерыяй Чарнаморцавай
У Менску пачаўся суд над экскурсаводам, даследчыцай беларускіх вязняў ГУЛАГу Валерыяй Чарнаморцавай.
Справу павінна разглядаць суддзя Вольга Емяльянчанка, паведамляюць праваабаронцы.
Пракурор запрасіў для абвінавачанай 2,5 года «хатняй хіміі». Прысуд чакаецца сёння а 16:30 па менскім часе.
Як паведамлялася, Валерыю затрымалі 18 кастрычніка 2022 года ў Менску пасля ператрусу ў кватэры. Спачатку яе арыштавалі на 10 сутак, пасля перавялі ў СІЗА-1 і завялі крымінальную справу за ўдзел у акцыях пратэсту ў 2020 годзе.
Праваабаронцы прызналі Чарнаморцаву палітзняволенай.
