Пяць гадзін доўжылася шматтысячная акцыя ў Менску (абноўлена)
Пяць гадзін працягвалася шматтысячная акцыя супраць фальсіфікацыі выбараў у Менску. Па розных ацэнках, у ёй прынялі ўдзел ад 200 тысяч да паўмільёна чалавек.
Людзі прайшлі маршам па цэнтральных вуліцах да плошчы перад будынкам урада. Звяртаючыся да прысутных, Марыя Калеснікава, сябра аб’яднанага штаба кандыдата ў прэзідэнты Беларусі Святланы Ціханоўскай, сказала, што Аляксандр Лукашэнка павінен сысці ў адстаўку.
Калеснікава дадала, што ўжо ў панядзелак беларуская апазіцыя падасць у суд скаргу на дзеянні сілавікоў пры разгоне пратэстных акцый.
Сёння на Плошчы незалежнасці ў Менску на праўладным мітынгу выступіў Аляксандр Лукашэнка. Ён сказаў, што не дазволіць нікому аддаць краіну, у адстаўку не пойдзе і перасцярог ад умяшальніцтва ў справы Беларусі іншых дзяржаў. Мітынг у падтрымку Лукашэнка сабраў, па ацэнцы ўладаў, 70 тысяч чалавек.
Напрыканцы мітынгу ў Менску была прынятая рэзалюцыя:
АГУЛЬНАБЕЛАРУСКІ СХОД 16 ЖНІЎНЯ 2020 Г. МЕНСК
ПАТРАБАВАНЬНІ
- Свабоду палітычным зьняволеным і захопленым на мірных акцыях.
- Лукашэнка сыходзь! Народ адправіў Лукашэнку ў адстаўку 9 жніўня 2020. Ён юрыдычна нікчэмны.
- Арышт Лукашэнкі.
- За новыя выбары парламента Беларусі па законнай Канстытуцыі Рэспублікі Беларусь 1994 года пад эгідай міжнародных арганізацый.
- Роспуск Цэнтральнай Выбарчай Камісіі па выбарах і рэферэндумах на чале зь Ярмошынай і сфармаваньне новага складу ЦВК.
Прагаласавана і накіравана
Ураду Рэспублікі Беларусь 220010, вул.Савецкая,11, [email protected]
і Белтэлерадыёкампаніі для азнаямленьня грамадзянаў Беларусі
ул. Макаенка, 9, Минск, 220114, [email protected]
Прагаласавана ў Менску на плошчы Незалежнасьці 16 жніўня 2020 г., 19.20 – 19.30
Беларускае Радыё Рацыя
***
Сотні тысяч чалавек сабраліся 16 жніўня ў Менску на чарговую акцыю пратэсту супраць афіцыйных вынікаў прэзідэнцкіх выбараў у Беларусі.
Дакладная колькасць удзельнікаў вызначыць складана. Паводле розных звестак, іх ад 100 тысяч да паўмільёна. Удзел у акцыі прыняла паплечніца Святланы Ціханоўскай Марыя Калеснікава.
Удзельнікі шэсця скандавалі лозунгі з патрабаваннямі адстаўкі Аляксандра Лукашэнкі і вызвалення затрыманых на акцыях пратэсту. Уся тэрыторыя перад Домам ураду была запоўненая людзьмі, якія скандавалі «Сыходзь!»
Беларускае Радыё Рацыя
***
Людзі сыходзяць са стэлы прама на праезную частку. Скандуюць: „Сыходзь!”, „Саша, ты звольнены!”,”Трыбунал!” і, канешне, „Жыве Беларусь!” Звычайныя людзі пакідаюць бутэлькі з вадой.
Загучалі званы Кафедральнага сабора, што зараз незвычайна. Людзі крычаць «дзякуй». Мітынгоўцы скандуюць: „Мы тут улада!” , Света-прэзідэнт!” Атмасфера незвычайная.
no images were found
Беларускае Радыё Рацыя
***
Роўна тыдзень таму ў Беларусі прайшоў асноўны дзень галасавання на выбарах прэзідэнта. З таго часу ў краіне штодня адбываюцца пратэсты нязгодных з іх вынікамі. Сёння, 16 жніўня, па ўсёй краіне зноў праходзяць мітынгі, адзін з іх – за Лукашэнку, астатнія – супраць.
Для мітынгу ў падтрымку прэзідэнта ў Менск звезлі людзей з усёй краіны. Хтосьці сапраўды падтрымлівае, а нехта прыехаў пад пагрозай звальнення, страты месца ў інтэрнаце, за фінансавае заахвочванне. Перад прысутнымі выступіў сам прэзідэнт. Паводле афіцыйных ацэнак, на плошчы Незалежнасці сабраліся 70 тысяч чалавек.
Тым часам каля стэлы «Менск – горад-герой» на праспекце Пераможцаў па нашых падліках сабралася не менш за 200 тысяч чалавек, якія скандуюць: «Сыходзь!», «Верам, можам, переможам!», «Лукашэнка ў аўтазак!». Мітынгі супраць Лукашэнкі праходзяць не толькі ў Менску, але па ўсёй краіне.
***
Тысячы беларусаў прымаюць удзел у « Маршы Свабоды», які праходзіць у Менску ды шэрагу іншых беларускіх Гарадоў. Паводле ацэнкі партала Tut.by, у центр Менска сабралася каля 60 тысяч чалавек.
Дэманстрацыі працягваюцца ўжо тыдзень – супраць вынікаў прэзідэнцкіх выбараў і з патрабаваннямі адстаўкі Аляксандра Лукашэнкі, які знаходзіцца ва ўладзе 26 гадоў.
Паводле звестак МУС, былі затрыманыя 6,5 тысячы чалавек. Тым, каму ўдалося выйсці пасля гэтага на свабоду, паведамілі пра жорсткае збіццё ў аддзяленнях міліцыі.
Беларускае Радыё Рацыя
***
Акцыя пачалася раней запланаванага: менчукі выходзяць на цэнтральныя вуліцы і праспекты. Тысячы людзей праходзяць па ўсім горадзе, скандуюць „Жыве Беларусь!” ды іншыя лозунгі. Паводле арганізатараў, акцыя працягнецца да да начы, плануецца ахапіць увесь горад.
13.40. Тры аўтазакі і два аўтобусы паехалі ў бок Стэлы, павярнулі з Нямігі. Там павінны збірацца людзі на народны мітынг салідарнасці.Праходзіць мітынг у падтрымку Лукашэнкі. А тым часам калона ў некалькі тысяч чалавек з бел-чырвона-белымі сцягамі і шарыкамі рухаецца ад метро Усход у цэнтр гораду.
13.00. На Плошчу Незалежнасці ў Менску, дзе плануецца мітынг у падтрымку Лукашэнкі, прыехалі прэм’ер-міністр Раман Галоўчанка, кіраўнік адміністрацыі Ігар Сяргеенка, старшыня Савету Рэспублікі Наталля Качанава. Па некаторых звестках сюды ж прывезлі 12 амапаўцаў, якія нібыта пацярпелі ў ранейшых сутычках з пратэстоўцамі. 12.45. Арганізаваныя групы па 30-40 чалавек працягваюць падвозіць на праўладны мітынг. Іх не абшукваюць на ўваходзе, хоць адзінкавых людзей правяраюць досыць пільна.
12.30. Калона з 52 аўтобусаў праехала па Партызанскім праспекце ў цэнтр Менску. У Менск з раніцы звозілі людзей з усёй Беларусі на мітынг у падтрымку Лукашэнкі. Ён павінен быў пачацца а 12-й гадзіне, але пачатак затрымліваецца.
Плошча Незалежнасці ачэплена, на дарозе стаяць камбайны.
На цэнтральны чыгуначны вакзал у Менску каля 11.20 прыбыў цягнік з Віцебску (7 вагонаў), якога не было ў раскладзе руху цягнікоў. Прыехала каля 50 чалавек. Некаторыя кажуць, што працуюць на Беларускай чыгунцы. Частка людзей паведаміла, што ідзе на мітынг.
Паводле tut.by
