Прысуды актывістам “Альтэрнатывы”
Па 50 базавых велічыняў (ці дзевяць мільёнаў рублёў) кожнаму – такі прысуд вынес актывістам ініцыятывы “ Альтэрнатыва” – Сяргею Качуру і Уладзіславу Запасаву суд Савецкага раёна Менска.
Як распавёў лідар “Альтэрнатывы”, Алег Корбан, астатніх затрыманых адпусцілі з РАУС-у Савецкага раёну без складання пратаколаў.
– На свабоду былі адпушчаная Вольга Бурневіч і Вольга Жураўлёва – без складання пратаколаў. Праз 10 хвілін адпусцілі непаўнагадовага Дзяніса Самсончыка. Таксама быў адпушчаны фотакарэспандэнт Сяргей Гудзілін. А на Сяргея Качура і Уладзіслава Запасава вельмі хутка склалі пратколы і адвезлі ў Савецкі суд.
Пяцёра актывісаў “Альтэрнатывы” і фотакарэспандэнт “ Нашай Нівы” былі затрыманыя сёння каля поўдня непадалёк плошчы Якуба Коласа ў Менску. Яны расклейвалі плакаты прымеркаванвыя да Дня Роднай мовы.
* * *
Сярод затрыманых, прэс-сакратар арганізацыі Вольга Бурневіч, а таксама Сяргей Качур, Вольга Жураўлёва і Уладзіслаў Запасаў.
Інцыдэнт здарыўся каля поўдня непадалёк ад плошчы Якуба Коласа. Затрыманыя праводзілі акцыю прымеркаваную да заўтрашняга свята – Дня роднай мовы”.
Падчас затрымання, яны расклейвалі плакаты, у якіх віншавалі беларусаў са святам.
Як распавёў лідэр “Альтэрнатывы” Алег Корбан, двум актывістам ўжо прад’яўленыя абвінавачанні.
– На дваіх затрыманых склалі пратаколы, іх абвінавачваюць у “непадпарадкаванні законным патрабаванням службовай асобы” – то бок міліцыянтам. Хутчэй за ўсё, сёння будзе і суд. Затрыманыя знаходзяцца цяпер у Савецкім РУУС г.Менска. Пяць актывістаў былі затрыманыя, адзін з іх непаўнагадовы. Абвінавачанні прад’яўленыя Сяргею Качуру і Уладзіславу Запасаву.
Як адзначыў Алег Корбан, яны ўжо звярнуліся да праваабаронцаў за юрыдычнай дапамогай. Цяпер яктывісты „Альтэрнатывы” збіраюцца ў Савецкі РУУС, каб аказаць падтрымку сваім паплечнікам.
Анна Шайкоўская, Беларускае Радыё Рацыя
Фота facebook.com
Глядзіце таксама
