У Мікашэвічах пераследуюць сям’ю актывіста
Сям’я Дубаносавых з Мікашэвічаў засталася без сродкаў для існавання. Пра гэта паведаміў Беларускаму Радыё Рацыя актывіст кампаніі “Гавары праўду”, сябра Беларускай сацыял-дэмакратычнай партыі (Грамада) Леанід Дубаносаў.
Жонку актывіста Алену, якая працавала загадчыцай прыватнай крамы “Мінская”, звольнілі без тлумачэння прычыны, кажа Леанід:
– Яна з адпачынку вярнулася і ў першы ж дзень дырэктар сказаў, што “яе паслугі яму не патрэбныя”. Усё было добра. Не ведаю, што зараз і думаць.
Праца Алены была адзіным сродкам для існавання сям’і звольненага „гранітаўца”. У сям’і двое дзяцей, якіх трэба адпраўляць у школу.
Дубаносавы ўпэўненыя, што такая сітуацыя з іх сям’ёй узнікла пасля адмовы Леаніда выйсці з незалежнай прафсаюзнай суполкі на прадпрыемстве “Граніт”. Пасля гэтага ён быў звольнены і не змог нідзе ўладкавацца на працы ў межах раёна.
Зараз Леанід Дубаносаў актыўна займаецца грамадскай і палітычнай дзейнасцю.
Дапамогу можна даслаць па адрасу: 225687 г. Мікашэвічы, вул. Міра, д. 9, Дубаносаву Леаніду Вітальевічу.
Беларускае Радыё Рацыя
Глядзіце таксама
