У Пінску пакаралі вандалаў
Праваахоўнікі змаглі знайсці тых, хто ўвесну пашкодзіў 7 надмагілляў на старажытных гарадскіх могілках. Двух грамадзян пінскі суд пакараў штрафамі і прымусіў за ўласныя сродкі аднавіць пашкоджаныя імі помнікі. Гісторык-краязнаўца Эдуард Злобін адзначае, што гэта сапраўды падзея, бо, як правіла, учынкі вандалаў на гэтых могілках застаюцца без пакарання. На ягоную думку, комплексу трэба надаць статус гісторыка-культурнай каштоўнасці, каб вандалы неслі яшчэ большую адказнасць:
– Гэта, у прынцыпе, самае галоўнае, чаго жадаюць жыхары горада. Бо многія пытанні не ўзнікалі б, быў бы зусім іншы падыход. Але наданне статусу гісторыка-культурнай каштоўнасці – гэта прэрагатыва гарадскіх уладаў. Яны павінны зрабіць такі крок, прыкласці да гэтага ўсе намаганні, каб стала так, як яно ёсць на ўсіх вядомых гістарычных могілках.
Эдуард Злобін паведаміў, што 7 пашкоджаных надмагілляў выявілі на габрэйскай частцы, але ніхто не звяртаў увагу на праваслаўныя і каталіцкія пахаванні. На пінскіх старажытных могілках захаваліся пахаванні паўстанцаў Каліноўскага, ахвяраў восені 1939 года, ідэолагаў руху незалежнасці Літвы і Беларусі пачатку ХХ стагоддзя ды дзеячаў Польшчы.
Пятро Савіч, Беларускае Радыё Рацыя, Пінск
Глядзіце таксама
