У Пінску ратавальнікі дасталі з ракі аўтамабіль
У Пінску ратавальнікі дасталі з ракі аўтамабіль.
Як паведаміў прэс-сакратар Брэсцкага абласнога ўпраўлення МНС Сяргей Машноў, днём 12 снежня ў Пінскі гаррайаддзел па НС патэлефанаваў мужчына і паведаміў, што непадалёк ад плошчы Леніна скаціўся ў раку Піна яго „Аўдзі-100”, які стаяў на беразе.
Вадалазы Пінскага цэнтра Рэспубліканскага атрада спецыяльнага прызначэння МНС прымацавалі да лябёдкі аўтамабіль і выцягнулі яго.
Аперацыя па даставанні „Аўдзі-100” 1992 года выпуску доўжылася каля гадзіны. Пацярпелых няма.
Меркаваная прычына здарэння — адмова стаяначнага тормазу.
Фота mchs.gov.by
