У Пінску трэці тыдзень ідуць суды над прыхільнікамі перамен
З 15 верасня пачаліся працэсы над жанчынамі, якіх міліцыянты затрымалі ў мінулую нядзелю на “Маршы герояў”. Каля дзесяці пінчанак 13-га жніўня амапаўцы даставілі ў аддзяленне міліцыі, дзе на іх склалі пратаколы, а цяпер караюць.
Сваімі думкамі адносна судовага канвеера падзяліліся пінчукі, якія прыходзяць падтрымаць мірных пратэстоўцаў:
– Я лічу, што сістэма цісне на людзей, хоча дамагчыся, каб не было масавых выхадаў на пратэсты. Я лічу, што парушаюцца правы чалавека.
– Імкнуцца падавіць тых, хто хоча агучыць свой погляд на падзеі ў краіне.
– Усё гэта запомнім і абавязкова прыгадаем усім, хто творыць бясчынствы.
Па падліках праваабаронцаў, у Пінску з канца жніўня праз суды прайшло каля 200 прыхільнікаў перамен. Караюць нязгодных суддзі: Андрэй Бычыла, Ігар Клімовіч і Дзмітрый Свіцін.
Беларускае Радыё Рацыя
