У Пінску ўсталявалі больш за 40 відэакамер
Звыш 40 вулічных камер відэаназірання ўсталявалі ў Пінску праваахоўнікі.
Відэа ў рэжыме анлайн з двароў, вуліц і дарог выходзіць у дзяжурную частку, дзе за сітуацыяй сочаць міліцыянты. Праваахоўнікі адзначаюць, што гэта ўнікальная відэасістэма для ўсёй Берасцейшчыны.
А што думаюць самі гараджане пра такі кантроль?
– Пажадана, каб пабольш камер было. Мне падаецца парадку будзе больш.
– Людзі баяцца парушаць, бо камеры стаяць, сочаць жа, будуць баяцца парушаць.
– Я не супраць, хай вісяць, фіксуюць усё.
– Цалкам станоўча да гэтага стаўлюся таму, што гэта можа прадухіліць ДТЗ, бо кіроўцы будуць паводзіць сябе асцярожней.
У Пінскім ГАУСе паведамляюць, што дзякуючы сістэме відэаназіранняў горадзе ўжо выяўлена трыццаць правапарушэнняў.
Пятро Савіч, Беларускае Радыё Рацыя
