Cвята сям’і ў росіцкім касцёле
У Росіцы, што ў Верхнядзвінскім раёне, адзначылі свята сям’і. Мерапрыемства пачалося са святочнага набажэнства ў касцёле Святой Тройцы.
Віцебскі біскуп у сваім звароце да вернікаў распавёў пра значнасць сям’і для чалавека, узаемную падтрымку, павагу і прабачэнне.
– Чалавек павінен з’яўляцца ў сям’і, дзе ёсць умовы для жыцця, унутранага і духоўнага, а таксама псіхалагічнага ды псіхічнага развіцця. Лепшага інстыту, чым сям’я, проста не існуе.
Як кажа ксёндз Чэслаў Курэчка, на свята прыехала шмат вернікаў, асабліва прыемна было бачыць сем’і з маленькімі дзеткамі:
– Мы збіраемся ў росіцкім касцёле, молімся за сем’і, каб яны былі моцныя. Каб любілі дзетак, прымалі кожнае зачатае дзіця, нараджалі і радаваліся. Яны прасілі Божай моцы ў блаславёных пакутнікаў Росіцы Юрыя і Антонія, мужнасці, каб пераносілі цяжкасці ў сямейным жыцці.
Напрыканцы ўрачыстасці біскуп Алег Буткевіч блаславіў сем’і ды ўсіх прысутных. Потым адбыўся агульны пачастунак у летнім кафэ “У бусла”.
Свята ў Росіцы наведалі пілігрымы з Менска, Наваполацка, Глыбокага, Браслава, Шаркоўшчыны, Паставаў, ды іншых гарадоў Віцебскай вобласці.
[Not a valid template]
Таццяна Смоткіна, Беларускае Радыё Рацыя
