У судзе над Сяргеем Пятрухіным – тыднёвы перапынак
Да 10 чэрвеня абвешчаны перапынак у судзе над берасцейскім блогерам Сяргеем Пятрухіным, які выступаў супраць будаўніцтва акумулятарнага завода. Судовае паседжанне адбылося па артыкуле 17.1 Кодэкса ад адміністрацыйных парушэннях. Грамадскі дзеяч распавёў пра тое, як усё адбылося:
– Я не ведаю, чаму мяне затрымалі. Я думаю, што спадар Самасюк уключыў у сабе нейкую клавішу Бога. Я падышоў да яго і спакойна папрасіў прыняць заяву аб адміністрацыйным правапарушэнні. Ён сказаў, што яе прыме, кажа: «Пішыце». Я яму кажу: «Як мы яе будзем пісаць, калі мы ідзем?» – «Станьце за столік, напішыце. Дагоніце мяне». Пакуль я ішоў, то думаў, што мне рабіць далей. Спынілася машына з амапаўцамі. Яны выскачылі, не прадстаўляючыся, мяне забралі.
На дадзены момант у берасцейскага блогера Сяргея Пятрухіна будзе некалькі дзён для таго, каб азнаёміцца з матэрыяламі справы. Актывіст звязвае затрыманне са сваёй актыўнай грамадскай пазіцыяй і нежаданнем уладаў мірыцца з гэтым.
Беларускае Радыё Рацыя, Берасце
Глядзіце таксама
