У сувязі з тэрактамі ў Парыжы Літва ўзмацніла кантроль на мяжы
Дзяржпагранкамітэт Беларусі паведамляе пра ўзмацненне кантролю ў пунктах пропуску з боку Літвы з-за тэрактаў у Парыжы і рэкамендуе грамадзянам краіны па магчымасці ўстрымацца ад паездак.
«Служба аховы дзяржаўнай мяжы Літвы праінфармавала Дзяржаўны памежны камітэт Рэспублікі Беларусь аб увядзенні узмоцненых мер забеспячэння бяспекі ў пунктах пропуску праз мяжу», – гаворыцца на афіцыйным сайце ДПК.
Памежнікі папярэджваюць, што ў сувязі з правядзеннем дбайных надглядных мерапрыемстваў час перасячэння мяжы можа павялічыцца.
«Рэкамендуем ўлічваць дадзеную інфармацыю пры выбары маршруту руху або зусім ўстрымацца ад паездак на гэтым напрамку», – гаворыцца ў паведамленні. У камітэце звярнулі ўвагу на тое, што такое ж развіццё падзей магчыма і на іншых кірунках.
