У цэнтры Менска хлопца ўдарылі нажом за заўвагу адносна паркоўкі
19 снежня ў цэнтры Менска малады чалавек зрабіў заўвагу кіроўцу з нагоды паркоўкі яго аўтамабіля і атрымаў у адказ удар нажом.
Пра здарэнне стала вядома з сацсетак.
Вчера во дворе на пл.Победы порезали знакомого за замечание о кривой парковке. Нож на 6 см вошел в легкое, пневмоторакс. Центр Минска.
— Соболевская Наталья (@crazysobolik) 20 декабря 2015
Інфармацыю пра здарэнне пацвердзілі ў сталічнай міліцыі.
„Быў такі факт. Той, хто нанёс нажавое раненне, ужо затрыманы”, — паведаміў TUT.BY прэс-сакратар ГУУС Менгарвыканкама Аляксандр Ластоўскі, паабяцаўшы ў панядзелак распавесці пра абставіны нападу.
За апошні месяц гэта ўжо другі выпадак агрэсіі з-за заўваг адносна няправільнай паркоўкі. У пачатку снежня блогера Дзмітрыя Валотка збілі трое мужчын за спробу сфатаграфаваць прыпаркаваны на тратуары аўтамабіль таксі.
