У Віцебску забаранілі акцыю да ўгодкаў Чарнобыля
Шэсце 26-га красавіка на ўгодкі Чарнобыльскай трагедыі ў Віцебску забаранілі. Заяўку на акцыю падавалі мясцовыя актывісты Кансерватыўна-хрысціянскай Партыі БНФ. Прычына забароны традыцыйная: адсутнасць дамоваў на абслугоўванне акцыі камунальнікамі, медыкамі і міліцыяй. Паводле віцебскіх уладаў, гэтыя дамовы трэба падаваць разам з заяўкамі. “Аднак на такіх умовах дамовіцца з адказнымі службамі немагчыма”, – кажа адзін з заяўнікаў Ян Дзяржаўцаў:
– Але ж мы не зможам заключыць з медыкамі дамову ніколі. Яны заўсёды нам адмаўляюць. Медыкі шукаюць розныя нагоды, але гэтым разам спасылаюцца на тое, што ў іх шмат працы з насельніцтвам, таму не ў стане заключыць з намі такую дамову.
“Да гэтага часу няма адказу ад камунальнікаў, але звычайна толькі гэтая структура пагаджалася на падпісанне дамовы з актывістамі”, – адзначыў Ян Дзяржаўцаў.
Анна Шайкоўская, Беларускае Радыё Рацыя
Фота АР
Глядзіце таксама
