У выніку навальніцы пацярпелі Берасцейшчына і Гомельшчына
Паводле аператыўных звестак МНС, з прычыны парываў ветру 13 жніўня (да 20 м/с) пацярпелі 19 населеных пунктаў у Берасцейскім, Іванаўскім, Кобрынскім і Пінскім раёнах Берасцейскай вобласці. Пашкоджаны дахі шасці жылых дамоў, 65 сельскагаспадарчых будынкаў, будынка сельскага Савета і 73 гектараў лесанасаджэнняў. Зафіксавана 67 выпадкаў падзення дрэў на праезныя часткі і прыватныя падворкі. Работнікамі МНС і спецыялізаванымі службамі (ЖКГ, ДРСУ, дарожна-эксплуатацыйнымі прадпрыемствамі) праводзіліся работы па распілоўцы і ўборцы дрэў, якія ўпалі.
Электразабеспячэнне населеных пунктаў і аб’ектаў не парушалася. Падзенні дрэў зафіксаваны ў Берасцейскім (32 выпадкі), Кобрынскім (8), Іванаўскім (25) Пінскім (2) раёнах. Затрымак ў руху транспарту не адбылося. Для распілоўкі дрэў прыцягваліся 21 адзінка тэхнікі, 69 чалавек, з іх 8 адзінак тэхнікі, 24 работнікі МНС (для распілоўкі 8 дрэў), 13 адзінак тэхнікі, 45 чалавек спецыялізаваных службаў (ЖКГ, ДРСУ, дарожна-эксплуатацыйныя прадпрыемствы).
З прычыны праходжання навальнічнага фронту на тэрыторыі Гомельскага раёна было парушана электразабеспячэнне 39 населеных пунктаў, 17 малочна-таварных ферм, 12 зернесушыльных комплексаў і 269 трансфарматарных падстанцыі. Пацярпелі (адключаліся ад электразабеспячэння) населеныя пункты ў трох сельсаветах Гомельскага раёна.
Па стану на 8 гадзін 14 жніўня без электраэнергіі заставаліся 16 населеных пунктаў Гомельскага раёна. Працавалі 15 аварыйных брыгад РЭС, 1 генератар МНС і 5 генератараў іншых арганізацый, якія забяспечвалі функцыянаванне пяці малочна-таварных ферм і аднаго зернесушыльнага комплексу. Як мяркуецца, прычына адключэння электразабеспячэння – падзенне дрэў на лініі электраперадач. Пацярпелых няма. Затрымак ў руху транспарту не зафіксавана.
