У Яўгена Батуры забралі аўтамабіль з-за б-ч-б сцягоў
Супрацоўнікі ДАІ затрымалі на праспекце Незалежнасці актывіста Яўгена Батуру.
Батура на ўласным аўтамабілі ўпрыгожаным бел-чырвона-белымі сцяжкамі ехаў прыняць удзел у акцыі салідарнасці з Эдуардам Пальчысам. Каля гатэля “Менск” машыну актывіста спынілі:
– Вырашылі паехаць сёння на акцыю, чыталі, што Зміцер Дашкевіч праводзіць акцыю салідарнасці з Пальчысам. Вырашылі праехаць са сцяжкамі – не даехалі зразумела. Спынілі, забралі дакументы, а пасля праз хвілін пятнаццаць падыходжу, запытваюся: “Што парушылі?”, “Нічога не парушылі, але ведаеце якая краіна. Чакаем загаду, што з вамі рабіць”.
Міліцыянты адвезлі Яўгена Батуру разам з асабістым транспартам у Маскоўскі РУУС.
Ва ўпраўленні міліцыі ў актывіста забралі ключы і апісалі машыну, нібыта аўтамабіль знаходзіцца ва ўгоне. Батура быў вызвалены з РУУС, аднак транспартны сродак пакуль застаецца ў міліцыі.
Беларускае Радыё Рацыя, Менск
Фота svaboda.org
