Удзельніца хору: Дзень незалежнасці – 25 сакавіка
3-га ліпеня ў Беларусі афіцыйна адзначалі Дзень незалежнасці, хоць, насамрэч, у гэты дзень падчас Другой сусветнай вайны быў вызвалены Менск.
Пра сваё стаўленне да гэтай даты расказала адна з удзельніц хору, які браў удзел у музычным суправаджэнні ўрачыстасцяў:
– Свята Дзень вызвалення Менска ад нацыстаў сапраўды з’яўляецца святам для горада Менска, але калі называюць Днём незалежнасці, то можна паспрачацца канешне. Дзень незалежнасці – 25 сакавіка.
Першая палова афіцыйных ўрачыстасцяў, што адбываліся ў Менску, прайшла пры сонечным надвор’і. А вось народныя гулянні сапсавала навальніца. Некаторыя раёны горада аказаліся затопленымі.
Беларускае Радыё Рацыя, Менск
