Указам Лукашэнкі аб’яўлены прызыў афіцэраў запасу на ваенную службу
Аляксандр Лукашэнка 11 красавіка падпісаў указ № 134 „Аб прызыве афiцэраў запасу на ваенную службу”.
„У адпаведнасці з указам, неабходна прызваць у 2018 годзе на ваенную службу ва Узброеныя сілы грамадзян Беларусі мужчынскага полу ва ўзросце да 27 гадоў з ліку афіцэраў запасу, якія не прайшлі тэрміновую ваенную службу, службу ў рэзерве Узброеных сіл і якія не маюць права на адтэрміноўку ад прызыву, у колькасці да 100 чалавек”, — паведамляецца на сайце кіраўніка дзяржавы.
Міністэрству абароны даручана забяспечыць прызначэнне прызваных грамадзян на воінскія пасады, якія адпавядаюць іх ваенна-ўліковым спецыяльнасцям.
Савет міністраў да 1 лютага 2019 года павінен прадставіць кіраўніку дзяржавы інфармацыю аб выніках прызыву на ваенную службу афiцэраў запасу.
Указ набывае моц пасля яго афіцыйнага апублікавання. БелаПАН
