Улады арыштавалі работніцу гандлю за падпіску на “экстрэмісцкія” СМІ
13 гадоў таму
Суддзя суда Дубровенскага раёна Ігар Татаеў 17 лістапада за падпіску ў сацыяльных сетках на «экстрэмісцкія» матэрыялы пакарала арыштам на адныя суткі кантралёра-касіра крамы «Капяечка» Таццяну Кароль.
У судзе стала вядома, што Таццяна тры гады была падпісаная ў сацыяльнай сетцы «Аднакласнікі» інтэрнэт-супольнасць з назвай «STOP LUKA» і старонку «Усё аб Дуброўна». Раней гэтыя інфармацыйныя СМІ ўладамі былі прызнаны экстрэмісцкімі і занесены ў адпаведны дзяржаўны рэестр забароненых.
«Правапарушальніца» ў судовым паседжанні віну прызнала цалкам, ад даследавання доказаў адмовілася.
Суддзя Татаеў палічыў віну і дачыненне маладой жанчыны даказанымі і на падставе ч. 2 арт.19.11 КаАП пастанавіў арыштаваць Кароль на адны суткі.
