Улады хочуць адправіць турыстаў на заводы і фабрыкі
Прамысловы турызм у Беларусі мае нядрэнныя перспектывы развіцця, лічыць намеснік міністра спорту і турызму Міхаіл Кравец.
«Тэма вельмі актуальная, – сказаў ён журналістам у панядзелак. – Дэпартамент і Нацыянальнае агенцтва па турызме гэтай тэмай актыўна займаюцца».
Паводле слоў спецыяліста, пакуль «наперадзе планеты ўсёй» Гарадзенская вобласць, хоць павінен быў быць, па ідэі, горад Менск.
«Мяркую, што ў лістападзе будзе праведзена пасяджэнне рабочай групы па гэтым кірунку,» – канстатаваў Міхаіл Кравец.
Ён дадаў, што цэнтрамі развіцця прамысловага турызму ў Беларусі могуць быць фабрыкі «Слодыч» і «Камунарка», а таксама БелАЗ.
Паводле interfax.by
Фота: belaz.by
