Уладзіслава Ахроменку згадваюць калегі
9 лістапада не стала таленавітага беларускага пісьменніка, драматурга, кінасцэнарыста, супрацоўніка нашага радыё Уладзіслава Ахроменкі.
Пісьменнік і журналіст Алесь Аркуш згадвае яго як настомнага працаўніка на ніве беларускай культуры.
– Уладзіслаў Ахроменка, па-мойму, імкнуўся да свабоды, у тым ліку творчай. Усё што ён рабіў – гэта пашырэнне і сваёй творчай свабоды, і пашырэнне нашай агульнай беларускай свабоды. Гэта і радыёперадачы, і кнігі. Ён пісаў такія кнігі, якія не маглі быць сёння выдадзеныя ў дзяржаўных выдавецтвах, пра гэтыя кнігі не пісалі ў дзяржаўных часопісах, гэта кнігі дзеля заўтра.
Odtwarzacz plików dźwiękowych
Паводле праграмнага дырэктара Беларускага Радыё Рацыя Юркі Ляшчынскага, Уладзіслаў Ахроменка ўвесь час шукаў новыя тэмы, новыя фарматы перадач, наперадзе было шмат планаў.
– Уладзіслаў мне запомніцца найбольш як такі журналіст, які ўвесь час працаваў, і адначасна пісаў мастацкія кнігі. І ўсё хацеў новага. Ён ніколі не казаў, што не маю часу гэтым заняцца. Ён казаў, што я зраблю, я хачу зрабіць, і ўвесь час былі прапановы з яго боку, казаў, што мае штосьці іншае, цікавае. Апошнім часам, калі мы размаўлялі пра нашыя планы, то колькі яшчэ было перад намі цікавых тэмаў, цівых ідэяў.
Odtwarzacz plików dźwiękowych
29 кастрычніка ў Уладзіслава Ахроменкі здарыўся інфаркт, ён знаходзіўся ў рэанімацыі беластоцкай лякарні ў цяжкім стане. Выратаваць яго лекарам не ўдалося.
Беларускае Радыё Рацыя
