Ужо даўно ўсё расстаўлена і выбрана
Застаўся амаль месяц да выбараў у мясцовыя саветы. Якім кандыдатам аддадуць падчас выбараў перавагу жыхары Бярозы? Высветлілася, што большасць бярозаўчан наогул абыякава ставяцца да мясцовых выбараў.
Бальшасць апытаных не ходзіць на выбары даўно, а з тых, хто пойдзе, аддадуць перавагу незалежным кандыдатам:
– За незалежнасць.
– Хутчэй за ўсё незалежным буду аддаваць, бо яны за незалежную дзяржаву.
– Мне ўсё роўна, каб толькі праца была.
– Ні за каго, бо я ўжо некалькі гадоў не хаджу ні на якія выбары. Няма праўды, няма закону ў нашай дзяржаве.
– Ужо даўно ўсё расстаўлена і выбрана. Я ведаю як выбіраюць і што.
– Для мяне яны ўсе аднолькавыя, таму не пайду.
– Не, не наведваю наогул. Не лічу патрэбным.
– Не хаджу, без нас усё вырашыцца, ужо напэўна вырашылася.
У Бярозаўскім раёне балатуюцца 4 кандыдаты ў дэпутаты ў абласны савет і 46 – у раённы. З іх толькі 3 кандыдаты незалежныя.
Беларускае Радыё Рацыя
