Вербная нядзеля ў Івацэвіцкай грэка-каталіцкай парафіі Маці Божай Жыровіцкай
Вернікі Івацэвіцкай грэка-каталіцкай парафіі Маці Божай Жыровіцкай адзначылі Пальмовую нядзелю або Вербніцу.
Падчас набажэнства былі асвечаны галінкі вярбы. Такім чынам грэка-каталікі ўвайшлі ў перажыванне Вялікага тыдня. У Вялікім тыдні кожны дзень выключны і непаўторны, кажа святар парафіі Віталь:
– Пасха – адкрывае вобраз, выяўляе падабенствы і аднаўляе чалавека ў тым статусе, у тых якасцях, якімі яго надзяліў Бог, калі ствараў. Гэта аднаўленне, гэта напаўненне і вяртанне сэнсаў для чалавечага жыцця.
Падрыхтоўку да Вялікадня – удзел у посце – кожны вернік разумее па-свойму, гавораць івацэвіцкія грэка-каталікі:
– Гэта любоў, гэта радасць да жыцця. Больш чытаеш малітвы. У Біблію заглядаеш.
– Дзень радасны, але гэта пачатак пакутаў.
У гэты дзень у святочнай літургіі ўзгадваецца ўрачысты ўваход Ісуса Хрыста ў Ерусалім за пяць дзён да Яго ўкрыжавання. Як пішуць eвангелісты, людзі з натоўпу, якія віталі Хрыста, слалі на дарозе свае вопраткі, а таксама аліўныя і пальмавыя галінкі, усклікаючы пры гэтым: «Гасанна! Благаслаўлёны той, хто прыходзіць у Імя Гасподняе».
Цалкам матэрыял:
Беларускае Радыё Рацыя
