Вольга Каракіна: затрымлівалі не прадстаўляючыся
Грамадскую актывістку Вольгу Каракіну, дзяўчыну палітвязня Зміцера Фурманава затрымалі ў Гародні 13 верасня падчас акцыі на вуліцы Горкага.
Пра тое, як дзяўчына была затрыманая, распавядае сама Вольга Каракіна:
– Так атрымалася, што я апынулася ў эпіцэнтры падзеяў. Праходзіла міма, бачыла кіпіш, пачаліся нейкія затрыманні, збіццё. Я апынулася ў цэнтры, да мяне падбеглі, таксама схапілі і павялі ў аўтазак.
РР: Хто гэта рабіў?
– Яны цалкам былі ў абмундзіраванні, вельмі вялікія былі круглыя чорныя шлемы. Ні твару, нічога не было бачна, толькі па голасе я зразумела, што справа мяне вядзе жанчына. Яна вяла і пыталася, чаму нам не сядзіцца дома. Я не стала з ёй размаўляць.
Пасля затрымання дзяўчыну завезлі аўтазакам у Ленінскі РАУС Гародні:
– Не білі, нас вывелі і завялі адразу ў актавую залу, пасадзілі. Усіх было каля 55 чалавек, людзі скардзіліся на нейкія траўмы пры затрыманні.
РР: А ці бачылі вы, ці прыязджала хуткая, ці заходзілі да вас у залу медыкі?
– Не, у залу да нас медыкі не заходзілі.
На дзяўчыну склалі пратакол за ўдзел у несанкцыянаванай акцыі і цяпер праз тэлефон спрабуюць выклікаць у пракуратуру, аднак Вольга Каракіна не пойдзе ў пракуратуру без позвы.
Беларускае Радыё Рацыя
Фота Сяргея Апановіча
Глядзіце таксама
