Вольга Вялічка: Прапануем дакрануцца да дабрачыннасці
У гарадзенскім дзіцячым хоспісе імя святога Губерта з’явіўся новы лагатып.
І адразу гэты лагатып убачыў свет на рознай сувенірнай прадукцыі, якую вырабляюць самі дзеці і бацькі, чые дзеці знаходзяцца пад апекай хоспіса.
Распавядае дырэктарка гарадзенскага дзіцячага хоспіса Вольга Вялічка:
– Яны працуюць з дрэвам, яны працуюць з фанерай, яны робяць унікальныя рэчы, якіх яшчэ не было ў Гародні – гэта сувенірная прадукцыя. Мы думаем, што падарунак ад сям’і Варкулевіч, вось гэты лагатып, ён вельмі годны. Сувенірная прадукцыя сёння запатрабаваная.
Па словах Вольгі Вялічкі, такія рэчы могуць стаць прыкладам дабрачыннасці:
– Можна спалучыць добры падарунак сабе ці людзям, якія прыязджаюць з-за мяжы ці іншых гарадоў, а таксама дабрачыннасць. Мне здаецца, што фармат дабрачыннасці павінен зменяца, людзі павінны дакранацца, яны павінны адчуваць, што гэта становіцца частка гарадзенскай мясцовай культуры.
У планах гарадзенскага дзіцячага хоспіса стварэнне сацыяльнага прадпрыемства, на якім будуць працаваць людзі з інваліднасцю.
Беларускае Радыё Рацыя, Гародня
Фота Сяргея Апановіча
Глядзіце таксама
