Вучэнні “Захад-2017”: грыбы сярод ракет
Жыхарам пяці сельсаветаў Івацэвіцкага раёна, дзе размешчаны палігон “Даманава”, мясцовы раённы выканаўчы камітэт з 14 па 20 верасня строга забараніў хадзіць у лес. Забарона ўведзеная ў мэтах бяспекі: аскепкі бомб і снарадаў могуць разлятацца на адлегласць да 2 кіламетраў.
Аднак многія вяскоўцы пра забарону альбо нічога не ведаюць, альбо лічаць, што любую забарону можна абыйсці.
Гавораць жыхары вёскі Волька:
– Чаму не рэкамендуюць? Я вось, напрыклад, зараз іду ў лес. Узяў сцізорык, думаю, пайду прагуляюся. А што, нельга?
– Вялікія штрафы будуць. У мяне там брат служыць. Ён сказаў, як буду падыходзіць да палігона, патэлефанаваць яму, каб ён упэўніўся, што няма нікога з начальства.
– Калі была сірэна, мы не ішлі на палігон. Сірэны не было – ішлі ў грыбы. А зараз і з сірэнай, і без – нельга.
За наведванне леса на палігоне і ля палігона “Даманава” пагражае адміністрацыйны штраф.
Пакуль у вёсцы Волька ніхто не пакараны.
Беларускае Радыё Рацыя
Глядзіце таксама
