Вучыцца ніколі не позна
Гарадзенскі “Універсітэт залатога веку” распачынае сёмы акадэмічны сезон і абвяшчае набор навучэнцаў. Кожны гарадзенец, якому споўнілася 55 гадоў, да 11-га верасня можа звяртацца ў грамадскае аб’яднанне “Цэнтар Трэці сектар” і запісвацца на шматлікія курсы і клубы па інтарэсах: замежнай мовы, псіхалогіі, гісторыі і гэтык далей. Як зазначае шматгадовы выкладчык “Універсітэта залатога веку” краязнаўца Віктар Кірэеў, адзін з прынцыпаў навучальнай установы – вучыцца ніколі ня позна:
– Веды патрэбныя і старэйшаму пакаленню. Яны вельмі зацікаўленыя слухаць. Але часам і я даведваюся нешта новае ад іх. Так што абмен інфармацыі ідзе ў два бакі.
З 14 па 17 верасня ў гарадзенскім “Універсітэце залатога веку” запланаваныя прэзентацыі, у час якіх арганізатары пазнаёмяць з праграмай навучання, патрабаваннямі і прынцыпамі працы ўстановы, якая дзейнічае ў горадзе над Нёманам з 2010 года. Урачыстае адкрыццё новага навучальнага году ва “Універсітэце залатога веку” запланавана на першага кастрычніка.
Беларускае Радыё Рацыя, Гародня
Фота uzv.by
Глядзіце таксама
