Выбары і выбаршчыкі ў Першамайску
Найбольшая інтрыга ў Бярозаўскім раёне пад час выбараў была на ўчастках, дзе балатаваўся незалежны кандыдат, які быў мінулую кадэнцыю дэпутатам Першамайскага сельвыканкама, Валер Білібуха.
Ён балатаваўся ў сельвыканкам і раённы савет дэпутатаў. Улада паставіла яму моцных канкурэнтаў. І рабіла шмат захадаў, каб Білібуха не атрымаў ніводнага дэпутацкага мандата. Прыйшлося папрацаваць добра самому кандыдату, сябрам камісій ад БНФ, давераным асобам і наглядальнікам ад Валерыя Білібухі, кажа сябра ўчастковай камісіі ў Першамайску ад партыі БНФ Анатоль Сахаруша:
— У раённы савет я папросту патрабаваў, каб мне далі паставіць свае подпісы на ўсіх бюлетэнях, каб напрыканцы я мог праверыць, што ў дзень галасавання нічога не падкінулі.
Дэпутатам Першамайскага сельвыканкама на новы тэрмін пераабраны Валер Білібуха. У раённы савет перамог ягоны канкурэнт — начальнік мясцовай чыгуначнай станцыі Аляксандр Марчук, які набраў на 191 голас больш. Першамайцы мала ведалі Білібуху. А за прыярытэт узялі пасаду і грошы, якія мае канкурэнт, кажуць жыхары Першамайска:
— За сваіх аднасяльчан, якіх я ведаю.
РР: За вашага начальніка?
— Так.
— Але і рабочыя не будуць за нас, бо ў яго няма грошай яго слухаць ніхто не будзе.
РР: А вы думаеце, у каго грошы, таго і слухаюць?
— Бадай што. Там больш сувязей у іх.
— Ад мясцовых дэпутатаў нічога не залежыць. У іх няма ані грошай, ані нічога. А калі напрыклад начальнік станцыі, дык у яго можна папрасіць нейкі трактар.
РР: І вы за яго прагаласавалі?
— Так.
На Кабакоўскім выбарчым участку людзі аддалі перавагу як у мясцовы савет, так і ў раённы баявому духу свайго кандыдата Валеры Білібухі і змаглі абараніць свой выбар.
Поўны матэрыял слухайце ў далучаным гукавым файле:
Беларускае Радыё Рацыя
Глядзіце таксама
