Выбух на вытворчасці здарыўся пад Менскам, ёсць пацярпелыя
Выбух у адміністрацыйна-вытворчым будынку на вуліцы Лясная ў вёсцы Каралёў Стан Менскага раёна здарыўся раніцай 22 мая.
Як паведамляе Менскае абласное ўпраўленне МНС, ратавальнікам паступіла паведамленне ў 8.55. Калі да месца выкліку прыбылі падраздзяленні ратавальнікаў, высветлілася, што ў будынку па вытворчасці бітумнай гідраізаляцыі плошчай 2.400 квадратных метраў здарыўся выбух з наступным гарэннем.
У 9.18 ратавальнікі лакалізавалі пажар. Паводле папярэдняй інфармацыі, траўмаваныя тры чалавекі. Работнікі МНС працягваюць работы па ліквідацыі пажару.
БелаПАН
Фота: mchs.gov.by
