Выйшаў мабільны вызначальнік птушак
Мабільны вызначальнік птушак выйшаў для беларускіх карыстальнікаў. Пра яго выхад падбала грамадская арганізацыя „Ахова птушак Бацькаўшчыны”.
У выглядзе мабільнага прыкладання такая праграма з’явілася ўпершыню. Бо дагэтуль, дзеля вызначання птушак у палявых умовах неабходна было браць вызначальнік у папяровым выглядзе. Кажа Зьміцер Вінчэўскі, гарадзенскі арнітолаг:
– Амаль усе значныя ў Беларусі віды зараз ёсць магчымасць вызначыць з дапамогай гэтага мабільнага прыкладання. І другая магчымасць – гэта паглядзець птушак на здымках, паслухаць галасы розных відаў і прачытаць пра асаблівасці іх жыцця, дзе іх можна сустрэць, калі, ці гэта рэдкая птушка, ці даволі распаўсюджаная. І знаходзячыся на прыродзе вы можаце не толькі паспрабаваць, але і напэўна вызначыць большасць відаў нашых птушак.
Мабільнае прыкладанне бясплатнае. Хаця вызначальнік расейскамоўны, назвы птушак дублююцца па-беларуску і лаціне. Вызначальнік птушак можна бясплатна спампаваць у Play Market.
Якуб Сушчынскі, Беларускае Радыё Рацыя, Гародня
Глядзіце таксама
