Выйшаў з ізалятара блогер Зміцер Гарбуноў
З ІЧУ Ленінскага РАУС Берасця выпусцілі блогера і журналіста Зміцера Гарбунова.
Яго затрымалі напярэдадні акцыі пратэста з “Чыстымі аркушамі” і абвінавацілі ў непадпарадкаванні супрацоўнікам міліцыі.
Пасля адбыцця 10 сутак Зміцер падзяліўся першымі ўраджаннямі на волі:
– Пратакол затрымання з’явіўся заднім чыслом, я так зразумеў. Я за яго распісаўся 4 траўня ўжо тут, ужо з пастановай суда і з суткамі. Кампанія даволі вясёлая, было што паслухаць, было цікава.
РР: Нейкую інфармацыю атрымлівалі?
– Не, ніякай.
Пасля выхаду Гарбунова з ізалятара часовага ўтрымання, каля брамы Ленінскага РАУС Берасця ў прысутных адбыўся канфлікт з міліцыяй.
Да журналіста Сяргея Пятрухіна падыйшоў супрацоўнік міліцыі і спрабаваў перашкаджаць выконваць прафесійныя абавязкі:
– У мяне не было канфлікту. Гэта ў яго канфлікт, хіба з самім сабой. Я не ведаю.
РР: Што ён ад вас хацеў?
– Яму не спадабалася, што я здымаю будынак міліцыі і асабіста яго. Ён прыходзіў і казаў мне, што пачынае супраць мяне крымінальную справу па Наталлі Папковай, па паклёпу.
За кратамі застаўся яшчэ адзін фігурант справы з “Чыстымі аркушамі” – бярозаўскі фермер Аляксандр Кабанаў.
Ён анансаваў яе правядзенне, але быў затрыманы яшчэ напярэдадні акцыі. Выходзіць Кабанаў 12-га красавіка а 15:30.
Мікола Ляшкевіч, Беларускае Радыё Рацыя, Берасце
Фота аўтара
