Выстава “Лісты палітвязняў” едзе ў Бабруйск
10 траўня ў 18.30 ў Бабруйску па адрасе вуліца Чангарскага, 54 адкрыецца выстава “Лісты палітвязняў: ад 1996 году да нашых дзён” і адбудзецца сустрэча з былымі палітвязнямі: Алесем Бяляцкім, Славамірам Адамовічам і Яўгенам Васьковічам.
Перад гэтым выстава экспанавалася ў Гомелі.
Экспазіцыя “Лісты палітвязняў: ад 1996 году да нашых дзён” нагадвае пра тое, што на дадзены перыяд у Беларусі ідэалагічнае выкарыстанне гісторыі і распаўсюд уяўленняў пра мінулае ў грамадстве застаюцца вострай праблемай.
Выстава скдадаецца з 11 стэндаў, на якіх – лісты палітычных вязняў з-за кратаў, лісты ў падтрымку палітвязняў, а таксама матэрыялы бюлетэня Праваабарончага цэнтру “Вясна” – “Права на Волю”, архіўныя фотаздымкі.
Нагадаем, што з 1996 года, па звестках праваабарончых арганізацыяў, праз крымінальны пераслед за палітычныя перакананні ў Беларусі ў зняволенне трапілі больш за 200 чалавек.
Выстава падрыхтаваная “Цэнтрам даследванняў грамадзянскай супольнасці Беларусі”.
Глядзіце таксама
