Яшчэ плюс адзін палітвязень на Берасцейшчыне
Яшчэ плюс адзін палітвязень на Берасцейшчыне. На сёння, 28 сакавіка, у Берасцейскай вобласці за краты трапіла 55 чалавек па палітычна матываваных крымінальных справах.
– У СІЗА №7 у Берасці – 49 чалавек, у СІЗА №6 у Баранавічах – 1 чалавек, у папраўчай калоніі №22 у Івацэвіцкім раёне – 3 чалавекі, у выпраўленчай установе адкрытага тыпу №7 у Пружанскім раёне – 2 чалавекі. Восем чалавек цягам тыдня былі пераведзеныя з СІЗА №6 у Баранавічах у СІЗА №7 у Берасці.
Апошні палітвязень, якога прызнаў праваабарончы цэнтр „Вясна” па Берасцейскай вобласці – гэта Іван Ракіць. Яму прызначылі два з паловай гады калоніі. Падставай стаў эпізод 9 жніўня 2020 года па артыкуле 363 Крымінальнага кодэксу Рэспублікі Беларусь (супраціў супрацоўніку органаў унутраных спраў або іншай асобе, які ахоўвае грамадскі парадак).
Аліса Поль, Беларускае Радыё Рацыя, Берасце
