Юрый Гараўскі просіць прытулку ў Швейцарыі
Былы баец беларускага Спецыяльнага атрада хуткага рэагавання (САХР) Юрый Гараўскі папрасіў палітычнага прытулку ў Швейцарыі, перадае «Нямецкая хваля».
Раней гэты спецназавец прызнаўся заходнім журналістам, што ўдзельнічаў у забойствах беларускіх апазіцыянераў паводле загадаў зверху.
Гараўскі мяркуе, што не бачыць сэнсу далей хаваць сваё месцазнаходжанне. Спярша ён казаў, што знаходзіцца ў адной з еўрапейскіх краін. Пазней мужчына выказваў меркаванне, што беларускія спецслужбы ўжо вылічылі яго па тэлефанаваннях да блізкіх.
Былы спецназавец заяўляе, што гатовы панесці пакаранне за ўдзел у забойствах экс-міністра ўнутраных спраў Беларусі Юрыя Захаранкі, экс-кіраўніка Цэнтрвыбаркама Віктара Ганчара і бізнесоўца Анатоля Красоўскага, які падтрымліваў беларускую апазіцыю. Аднак настойвае, каб яго судзілі ў Еўропе, а не ў Беларусі.
Беларускае Радыё Рацыя
Фота: dw.com
Глядзіце таксама
