З-за марозу пад Лагойскам сапсаваўся аўтобус
Амаль на 12 гадзін перапынілі сваё падарожжа пасажыры турыстычнага аўтобуса „Неаплан”, які ехаў з Менска ў Пскоў.
7 студзеня ў 17.07 у МНС паступіла паведамленне аб паломцы аўтобуса каля вёскі Слаговішча Лагойскага раёна Менскай вобласці (замерзла пнеўмасістэма). У салоне знаходзіліся 52 пасажыры (з іх сем дзяцей) і два кіроўцы.
Грамадзяне былі размешчаны ў гасцініцы спартыўна-турыстычнага комплексу „Алімп” у Лагойску. У 4.35 8 студзеня на пададзеным перавозчыкам іншым аўтобусе пасажыры працягнулі падарожжа, паведамляе МНС.
Фота mchs.gov.by
