За выкананне песні трапіў у ІЧУ
„Святая вайна” – за выкананне такой песні быў адпраўлены ў ізалятар часовага ўтрымання яшчэ 11 жніўня берасцейскі бізнэсовец і музыка Аляксандр Івачоў. Ён выконваў свой рэпертуар у падтрымку мірных пратэстоўцаў у дзень выбараў і некалькі дзён пасля, – распавяла дачка Марыя Івачова:
– Затрымалі яго менавіта ў гэты дзень, але менавіта падчас, калі ён граў раманс «Не уходи, побудь со мной». Пяць чорных «касманаўтаў» наляцелі на яго, скруцілі рукі, вывалаклі яго з-за фартэпіяна і павялі ў РАУС. Там яны яго паставілі на калені тварам да сцяны, загадалі не варушыцца. Размахвалі, тыкалі дубінкамі за кожнае варушэнне, паказвалі на падлозе замытыя сляды крыві, казалі, што гэта яго віна і што ён будзе наступным, калі не прыбярэ сваю «шарманку».
Марыя Івачова звярнула ўвагу, што яе бацька з’яўляецца сведкам жудасных падзеяў з 9 па 11 жніўня на вуліцы Савецкай. Ён меў магчымасць назіраць з балкона ўласнай кватэры за тым, як сілавікі стралялі і збівалі мірнае насельніцтва.
Беларускае Радыё Рацыя, Берасце
Глядзіце таксама
