Замест СІЗА людзей адпраўляюць у калоніі
Канкрэтнага механізму пошуку сваіх родных і блізкіх, затрыманых падчас акцый пратэсту на вуліцах беларускіх гарадоў, няма. Міністэрства ўнутраных спраў апунылася цалкам не падрыхтаванае да такога наплыву людзей і ізалятары часовага ўтрымання, і СІЗА, таму многіх людзей адпраўляюць у калоніі.
Адзначае праваабаронца Валянцін Стэфановіч:
– Эфектыўнага механізму, напэўна, на сёння няма, таму што сістэма МУС аказалася цалкам не гатовая да такога наплыву людзей. Яны запіхвалі іх у камеры па 5-6 чалавек на адно спальнае месца, не кармілі людзей па двое сутак. І натуральна, што нейкіх спісаў у іх няма, па тэлефоне 102 даюць тэлефон «Вясны». Гэта фантасмагарычная сітуацыя. Мы звычайна раім тэлефанаваць па тэлефонах ЦІПА і ІЧУ ў Менску і Жодзіна. Але не факт, што яны там таксама. Але нейкую інфармацыю яны зачытваюць, наколькі я ведаю.
Odtwarzacz plików dźwiękowych
У такіх умовах людзі самаарганізаваліся і стварылі адмысловы чат у Тэлеграме, дадае праваабаронца:
– Ёсць чат «Акрэсціна спісы», і там даволі шмат інфармацыі ўжо ёсць, людзі ўжо самаарганізаваліся і спісы там ужо склалі. І хто ў Жодзіна там, хто дзе. Нейкую інфармацыю там можна здабыць. Можна скарыстацца яшчэ такім каналам інфармацыі і разам з тым унесці свой унёсак у дапамогу адно аднаму. Таму што там самаарганізуюцца людзі. І машыны адпраўлялі ў Жодзіне, каб людзей давозіць да Менску і з ЦІПА давозілі. То бок людзі дапамагаюць самі сабе ў гэтай сітуацыі.
Odtwarzacz plików dźwiękowych
Як ужо паведамлялася, каля 100 удзельнікаў пратэстных акцый вызваленыя гэтай ноччу са сталічнага цэнтра ізаляцыі правапарушальнікаў. Прозвішчы вызваленых прыводзіць створаны раніцай 12 жніўня сваякамі асуджаных телеграм-канал «Акрэсціна спісы».
Антон Разумоўскі, Беларускае Радыё Рацыя
Глядзіце таксама
