Супрацоўніцу „Народнай Волі” Анастасію Шаркевіч адпусцілі з міліцыі (абноўлена)
Супрацоўніцу газеты „Народная Воля” Анастасію Шаркевіч адпусцілі з Фрунзенскага РУУС, паведамляе Беларуская асацыяцыя журналістаў.
„Вобшук у кватэры і затрыманне былі ў рамках крымінальнай справы аб масавых беспарадках”, — адзначаецца ў паведамленні.
Менеджар па рэкламе „Народнай Волі” Анастасія Шаркевіч была затрыманая сёння раніцай у сябе дома. У яе канфіскавалі ноўтбук і адвезлі ў Фрунзенскае РУУС.
Да прыходу ў газету пасля прэзідэнцкіх выбараў яна працавала ў Белтэлерадыёкампаніі, на СТВ і тэлеканале „Мір”.
* * *
Раніцай 1 кастрычніка міліцыя затрымала менеджара па рэкламе газеты „Народная Воля” Анастасію Шаркевіч, паведамляе сайт выдання.
„Цяпер яна знаходзіцца ў Фрунзенскім РУУС Мtнска. Пакуль невядома, што стала прычынай такіх дзеянняў сілавікоў. Аднак у яе канфіскавалі ноўтбук”, — гаворыцца ў паведамленні.
Да прыходу ў „Народную Волю” пасля прэзідэнцкіх выбараў яна працавала ў Белтэлерадыёкампаніі, на СТВ і тэлеканале „Мир”.
belapan.by
