Затрыманы адміністратар ХК „Нёман”
У Гародні ўзяты пад варту работнік хакейнага клуба, якога абвінавачваюць у крадзяжы грошай.
Як паведамляе прэс-служба Следчага камітэта, днём 21 снежня паступіла заява ад трэнера-выкладчыка спартыўнай дзіцяча-юнацкай школы алімпійскага рэзерву „Нёман” па хакеі з шайбай. Ён паведаміў аб крадзяжы партманета, у якім знаходзілася 4.655 еўра, выдзеленыя клубам для паездкі дзіцячай каманды на гульні ў Эстонію.
Па факце крадзяжу ў буйным памеры распачатая крымінальная справа. Асоба падазронага ўстаноўленая — гэта 29-гадовы адміністратар хакейнага клуба „Нёман”.
Падчас допыту падазраваны прызнаўся ў злачынстве. Усе выкрадзеныя грошы клуба канфіскаваныя.
Мужчыну выстаўленае абвінавачанне, ён знаходзіцца пад вартай.
Фота Pikabu
Глядзіце таксама
