Затрыманыя віцебскія каардынатары «Страны для жизни»
Затрыманне адбылося перад пачаткам пікета, калі Алег Баразна прывёз абсталяванне на пляцоўку перад гандлёвым цэнтрам «Марка-сіці». Сябры, якія прыбылі туды каля 11.30, убачылі толькі складныя часткі ад намёту для збору подпісаў.
Алег Баразна сам паведаміў пра сваё затрыманне праз тэлеграм-чат „Витебск для жизни”. Міліцыянты, якія праводзілі затрыманне, забралі таксама сцягі і плакаты, якія меркавалася выкарыстоўваць на пікеце па зборы подпісаў за вылучэнне Святланы Ціханоўскай.
Апрача Алега Баразны, быў затрыманы Аляксей Саламаненка – пра гэта паведаміла ягоная жонка. Сябры не могуць датэлефанавацца і да Аляксандра Іллінца, верагодна, ён затрыманы таксама.
Прычыны затрымання віцебскіх каардынатараў «Страны для жизни» невядомыя. Найхутчэй, іх змясцілі ў ізалятар часовага ўтрымання, бо на працягу трох гадзінаў яны так і не выйшлі на волю і сувязі з імі няма.
Пікет, нягледзячы на затрыманне каардынатараў, распачаўся а 12.00, выступіць перад людзьмі прыехаў Павел Севярынец.
Каб паставіць свой подпіс за вылучэнне Святланы Ціханоўскай, у Віцебску сабраліся больш за тысячу чалавек.
Беларускае Радыё Рацыя, Віцебск
Глядзіце таксама
