Збяром дзяцей у школу разам
На працягу жніўня ў Гародні будзе адбывацца акцыя «Збяром дзяцей у школу разам». Арганізатарам з’яўляецца дабрачыннае таварыства, што дзейнічае пры Гарадзенскай праваслаўнай епархіі. Да пачатку новага навучальнага года дапамогу атрымаюць больш за пяцьсот дзяцей з няпоўных і небяспечных сем’яў, а таксама дзеці – інваліды і сіраты. Як зазначае праваслаўны святар Павал Каспяровіч, царква павінна супольна з грамадствам вырашаць падобныя праблемы:
— Гэтых дзяцей многа. Проста мы неяк існуем воддаль і не сустракаемся з гэтай часткай нашага грамадства. Калі сутыкнуцца, дык гэта вялікая частка, бо мы бачым, што гэта запатрабавана.
Удзел у дабрачыннай акцыі можа прыняць кожны жадаючы. Для гэтага дастаткова набыць канцылярскія прыналежнасці і пераказаць іх у Гарадзенскае дабрачыннае таварыства ці пералічыць сродкі на адмысловы рахунак.
Беларускае Радыё Рацыя, Гародня
