Жанчына скрала ў пенсіянеркі грошы і купіла на іх мабільныя тэлефоны
Аператыўнікі Савецкага РУУС г. Менска затрымалі раней судзімую 38-гадовую жанчыну за крадзеж грашовых сродкаў у пенсіянеркі.
Да праваахоўнікаў звярнулася 72-гадовая менчанка, якая расказала, што ў яе з кватэры зніклі грошы. Высветлілася, што пенсіянерка пражывае адна і ў сілу свайго ўзросту на працягу некалькіх гадоў да яе прыходзіць памочніца па дому.
Як аказалася, у адзін з дзён, пакуль гаспадыня кватэры была на кухні, тая прыбіралася ў пакоі. Адкрыўшы тумбачку, жанчына ўбачыла кашалёк, у якім ляжалі грашовыя сродкі. Скарыстаўшыся сітуацыяй, грамадзянка дастала іх, а кашалёк паклала назад. Пасля заканчэння ўборкі жанчына пайшла дадому. Па інфармацыі ГУУС Менгарвыканкама, сума шкоды склала каля 4000 рублёў. Выкрадзенае грамадзянка выдаткавала на набыццё двух тэлефонаў і алкагольныя напоі. Вядома, што раней жанчына прыцягвалася да крымінальнай адказнасці за крадзеж. На гэты раз фігурантцы можа пагражаць максімальнае пакаранне ў выглядзе чатырох гадоў пазбаўлення волі.
Глядзіце таксама
