Жаночыя маршы ў Беларусі і замежжы (абноўлена)
Жаночы марш на праспекце Незалежнасці ў Менску. У калоны ніхто не збіраўся, дзяўчыны проста гулялі з кветкамі ўздоўж праспекта.
***
Акцыя салідарнасці з жанчынамі Беларусі каля Брандэнбургскіх варот у Берліне.
***
Акцыя беларусаў у Варшаве: прайшлі калонай, дзяўчыны праспявалі «Купалінку».
У Варшаве разгарнулі 10 метровы БЧБ-сцяг.
Марш жанчын у Рызе:
***
Жаночы марш у Таліне.
Марш у Брусэлі:
***
Україна далучылася да міжнароднай акцыі салідарнасці з жанчынамі Беларусі. Апоўдні ля помніка княгіне Вользе сабраліся беларускі, якія зараз знаходзяцца ў Кіеве.
Дзяўчаты дзяліліся сваімі гісторыямі, выказвалі словы падтрымкі сяброўкам, што засталіся на радзіме, і ўсім беларускім жанчынам, якія выходзяць штосуботу на вуліцы Менска:
– Мяне завуць Наста. Я таксама вырашыла падтрымаць сваіх каляжанак, траіх з якіх учора затрымалі а палове дзясятай увечары, адну з іх – пры дзіцяці. І я хачу ім выказаць маю салідарнасць, падтрымаць іх і сказаць, што мы разам, нягледзячы на прастору і адлегласць.
Воля беларускіх жанчын вельмі вялікая, і я рада таму, што адбываецца, таму што, мне здаецца, што пасля гэтага немагчыма будзе вярнуцца да таго патрыярхальна-сексіскага ўкладу, які ў нас быў заўсёды. І я маю надзею, што нарэшце кожная жанчына ў Беларусі зразумее і адчуе, што яна здатная на большае, што яна можа, што яна мае права патрабаваць, што яна мае права выказваць сваю пазіцыю і можа сабе верыць, таму што беларускія жанчыны неверагодныя.
Завяршылася акцыя сумесным фота, якое сёння ўвечары з’явіцца на карце жаночай салідарнасці.
Беларускае Радыё Рацыя
Фота: t.me/bel_girls
***
На праспекце Незалежнасці ў Менску пачаўся жаночы дэмарш.
***
У Вільні таксама праходзіць жаночы марш. На яго прыйшла і Святлана Ціханоўская.
***
У Лімаcоле (Кіпр) на набярэжнай Молас прайшоў «Жаночы дэмарш супраць палітычных рэпрэсіяў». Каля 30 удзельніц праспявалі «Купалінку» ў амфітэатры, запісалі відэа ў падтрымку стачкамаў і зладзілі перформанс (дзяўчаты з кветкамі перавязалі рукі стужкамі) у знак пратэсту супраць гвалту.
***
У Менску на скрыжаванні вуліц Нёманская і Лідская чытачы заўважылі 12 аўтобусаў c завешанымі вокнамі і некалькі аўтазакаў. Раніцай, распавядаюць яны, эвакуатарам адтуль прыбралі машыны.
tut.by
***
Жаночыя маршы ў падтрымку Беларусі запланаваны сёння ў 22 краінах свету. Як адзначаюць арганізатары, у святле выбарчай кампаніі беларускі былі вымушаныя заняць актыўную міратворчую пазіцыю пасля таго, як пачаліся пераследы народных лідараў і бесчалавечнае падаўленне і катаванні ў адносінах да мірных пратэстоўцаў. Акцыі супраць гвалту, якія сабралі тысячы беларусак у белым з кветкамі, сталі вядомымі ва ўсім свеце.
«На некаторы час удалося панізіць градус гвалту ў краіне. Аднак Лукашэнка і яго асяроддзе, убачыўшы пагрозу свайму рэжыму ў асобах адважных беларусак, узмацнілі ціск на жанчын. Традыцыйныя суботнія жаночыя пратэсты заканчваюцца масавымі затрыманнямі да 500 чалавек», – нагадваюць арганізатары.
Прадстаўнікамі ўлады, па іх словах, складаюцца ілжывыя пратаколы, пратэстоўцаў кідаюць у халодныя камеры, абражаюць і пагражаюць маці адбіраннем дзяцей з сям’і, звальняюць з працы з дзяржустаноў, выпісваюць незаконныя штрафы і выкарыстоўваюць інструменты прапаганды на дзяржаўным тэлебачанні, каб «усяляк ачарніць рэпутацыю жанчын, якія выступаюць за мір і павагу да сваіх правоў».
Арганізатары заклікалі выходзіць ва ўсім свеце на цэнтральныя вуліцы / плошчы сваіх гарадоў у суботу ў белым з кветкамі.
Беларускае Радыё Рацыя
Глядзіце таксама
