Журналістка Юлія Латыніна пакінула Расею
Ведамая і папулярная журналістка Юлія Латыніна пакінула Расею.
Журналістка ў этэры радыёстанцыі «Эхо Москвы» расказала, што з’ехала з Расеі пасля нападу невядомых на яе аўтамабіль.
У этэр яна выйшла праз Skype. Па словах журналісткі, яна знаходзіцца разам з бацькамі за мяжой.
„Наўрад ці я збіраюся бліжэйшым часам у Расею… Спадзявалася, што мая машына, якая згарэла ў мінулую нядзелю, што яна загарэлася сама… Як высветлілася, яна была ўсё ж падпалена”, – адзначыла Латыніна.
Па словах Латынінай, інцыдэнт з аўтамабілем здарыўся, калі яна ўжо з’ехала з Расеі і дома былі толькі яе бацькі.
Раней Латыніна заявіла, што раніцай 3 верасня згарэў яе аўтамабіль. Яна ўпэўнена, што прычынай загарання стаў падпал.
Беларускае Радыё Рацыя
