Жыхара Магілёва, які вярнуўся з Польшчы дамоў, асудзілі да трох гадоў калоніі
Жыхара Магілёва, які вярнуўся з Польшчы дамоў, асудзілі да трох гадоў калоніі.
Суд Ленінскага раёна Магілёва 13 ліпеня вынес прысуд Аляксандру Кулікову. Мужчыну абвінавацілі ў абразе Аляксандра Лукашэнкі і паклёпе на яго.
У траўні ўжо пасля ўзбуджэння крымінальнай справы, Кулікоў выехаў у Польшчу, дзе прабыў каля месяца, піша MAYDAY.TEAM.
Затым яму патэлефанавала састарэлая маці, якая паведаміла, што ёй тэлефанаваў следчы і пагражаў вышукам сына. Было абяцана, што калі Кулікоў вернецца, яму будзе абраная мера пакарання, не звязаная з пазбаўленнем волі.
Праз нейкі час Кулікоў вырашыў вярнуцца ў Беларусі і быў затрыманы.
Суд прызнаў магілёўца вінаватым і асудзіў да трох гадоў пазбаўлення волі з накіраваннем у калонію ва ўмовах агульнага рэжыму.
Крыніца: ПЦ „Вясна”
