Жыхара Рэчыцы збілі і пакінулі прывязаным у лесе
Рэчыцкім раённым аддзелам Следчага камітэта распачата крымінальная справа па факце асабліва злоснага хуліганства. У якасці падазраваных праходзяць чатыры чалавекі, паведаміла БЕЛТА афіцыйны прадстаўнік упраўлення Следчага камітэта па Гомельскай вобласці Марыя Крываногава.
„22-гадовы жыхар Рэчыцы 17 чэрвеня знаходзіўся ў гасцях у сваёй знаёмай. Раптам у кватэру ўварваліся чацвёра мужчын. Пасля пагроз і абразаў на адрас маладога чалавека трое з іх пачалі яго збіваць. Затым кампанія вывела хлопца на вуліцу і, запіхнулі ў аўтамабіль, вывезла ў лес. Зламыснікі прывязалі маладога чалавека вяроўкай да дрэва і пагражалі падпалам. Яны з’ехалі, пакінуўшы хлопца прывязаным да дрэва. Дэталі ў інтарэсах следства пакуль не называюцца”, — сказала Марыя Крываногава.
Праз некаторы час маладому чалавеку ўдалося вызваліцца і паведаміць у міліцыю. Інфармацыя пра аўтамабіль зламыснікаў была перададзена патрульным пастам. Каля дзевяці гадзін вечара супрацоўнікі міліцыі затрымалі аўтамабіль у Рэчыцы. Адзін з падазраваных да гэтага часу паспеў схавацца. Трое мужчын 1989 г., 1991 і 1990 гадоў нараджэння затрыманыя і змешчаныя ў ізалятар часовага ўтрымання. Чацвёрты фігурант справы, 46-гадовы жыхар Рэчыцы, абвешчаны ў вышук.
У дачыненні да зламыснікаў распачата крымінальная справа па артыкуле «Асабліва злоснае хуліганства». Вядзецца следства.
