Жыхарка Берасця спрабавала ўвезці з Украіны 3 кг каштоўнасцяў
Жыхарка Берасця спрабавала ўвезці з Украіны буйную партыю сярэбраных ювелірных вырабаў, схаваўшы іх у тайніку свайго мікрааўтобуса „Фольксваген-Мультывэн”.
Як паведамляе прэс-група Берасцейскай мытні, жанчына, якая накіроўвалася з Украіны праз пункт мытнага афармлення „Олтуш”, заявіла пра адсутнасць у яе тавараў, якія падлягаюць дэклараванню.
Падчас надгляду мікрааўтобуса супрацоўнікі Берасцейскай мытні выявілі ў абсталяваным тайніку пад капотам аўтамабіля чатыры поліэтыленавыя пакеты, упакаваныя ў шкарпэткі, з кольцамі і ланцужкамі з металу серабрыстага колеру.
Яшчэ два пакеты з аналагічнымі таварамі выяўленыя ў салоне „Фольксвагена”. Усяго грамадзянка спрабавала незаконна ўвезці ў Беларусь больш як 1.400 кольцаў і 98 срэбных ланцужкоў агульнай вагой больш за 3 кг.
Паводле папярэдняй ацэнкі, іх агульны кошт складае прыкладна 33 тыс. рублёў.
У дачыненні да жыхаркі Берасця мытняй пачаты адміністрацыйны працэс па ч. 2 арт. 14.1 КоАП.
Разам з сярэбранымі вырабамі канфіскаваны да рашэння суда як сродак учынення правапарушэння мікрааўтобус 2002 года выпуску коштам 20 тыс. рублёў.
