Жыровічы сур’ёзна рыхтуюцца да юбілеяў
У вёсцы Жыровічы Слонімскага раёна 24 cтудзеня адбылося пасяджэнне рэспубліканскага аргкамітэта пад кіраўніцтвам намесніка Прэм’ер-міністра Рэспублікі Беларусь Ігара Петрышэнкі па падрыхтоўцы святкавання 550-годдзя Жыровіцкай Іконы Божай Маці і 500-годдзя Жыровіцкага манастыра, юбілеі якіх будуць адзначацца сёлета ў траўні.
У аргкамітэце па святкаванню юбілеяў прынялі ўдзел таксама міністры інфармацыі і культуры Аляксандр Карлюкевіч і Юрый Бондар, упаўнаважаны па справах рэлігіі Леанід Гуляка, Мітрапаліт Менскі і Заслаўскі Павел і іншыя асобы.
Госці пазнаёміліся з ходам работ па ўпарадкаванню Жыровічаў і рамонтам аб’ектаў манастыра, а падчас пасяджэння адзначалася, што галоўная сцэнічная пляцоўка свята будзе знаходзіцца на вуліцы Саборнай недалёка ад Свята-Успенскага сабора. Падчас свята будуць працаваць розныя пляцоўкі, наладжаны выставы рэдкіх кніг, твораў мастакоў і г.д. Плануецца ўрачыстае адкрыццё помніка Серафіму Жыровіцкаму.
Беларускае Радыё Рацыя
Фота slonves.by
Глядзіце таксама
